ЭЙ ШЕЪР

                     

Эй шеър,

Нағз медонам,

К-аз дигар гулшани авроқи маро сабз кунй,

Хоҳишам бор орад.

Лек вақтам ба сар андешаи пирй дорад,

Пас маро бигзорад

Ба қафову биравад сўи адам.

Эй шеър,

Вақте дониш сифр,

Баҳо сифр,

Киса ҳам пур шуда аз колаи ҳеч,

Ба паси панжараат руст шавам,

Ки маро такягаҳй,

Ва тасалло бидиҳй.

Хушгўтарин парандай,

Ки боғҳо, дарахтҳо

Чу ташнагони ҳарфи ту

Сукут мекунанд,

Дари суруд боз кун.

Дар такопўй,

Ба минбар аз абадият ҳарф мезанй,

Ошуфта роҳ меравй,

Ки роҳ низ бо хурўши қадамат озурд.

Рўшанй,

Бе айнак аз саҳифаи вақт

Метавонам туро хонам,

Зеро ки бо манй.

Попўш мешавй

Андешаи маро.

Гоҳе ки хор мехалад

Дар пои лучи ў

Монанди пои кўдаке.

Дарозй,

Ба тўли як хоб,

Бар авжи ту уқоб ҳам

нахоҳад рафт,

Пас, кўҳи Қофй ту.

Мармузй,

Ки тафсири туро

Зи килк бинюшам,

Ва рози кайфиятатро

Аз об мепурсам.

Эй манбаи оксижен чун барг,

Сабз мешавй дар кафи дастонам,

Зеро дар он кифояти омин аст.

Ту шерй,

Межангй

Дар ҳарбу зарби аҳриманон

Ба сони аскаре оддй.

Вале жасорате дорй

Қавитар аз иродаи Рустам.

Тафс дорй,

Эй гармтарин оташ,

Ҳар касе пеш ояд,

Хокистараш мегардонй,

Хомиашро сўзонй.

Бўсай,

Эй шеър,

Ба ҳангоми жудой аз маъшуқ

Аз лабони ҳар ошиқ

Ба отифагй резй,

Чй басо диловезй!

Вақте туро мебинам,

Эй хокистари муҳаббати инсон,

Эй шеър,

Лаҳзаҳои рафтаам ба ёд ояд,

Ҳар қалам барои ту

Ракъате дуо хонад:

Шод зй ҳамеша дар ботин,

Эй гули нафас,

Омин!

БАҲОРРО ХАБАР КУНЕД

Дилам барояш об шуд, баҳорро хабар кунед,

Чакома ҳам китоб шуд, баҳорро хабар кунед.

Жаҳон ба зери барфи дай карахт буд, кунун

Дами гусели хоб шуд, баҳорро хабар кунед.

Суруру шавқи дил ҳама ба доми соя банд буд,

Тулўъи офтоб шуд, баҳорро хабар кунед.

Варақ задам тамом вожаномаро, аз он

Ду вожа интихоб шуд, баҳорро хабар кунед.

Парандаву гиёҳу гул ба ҳам салом додаанд,

Видоъи изтироб шуд, баҳорро хабар кунед.

Чу вожаи таҳури Ишқ дар пагоҳи Фарвадин

Ба ҳарфи дил жавоб шуд, баҳорро хабар кунед.

Замони гунгу сарди дай чу оби жў гузашту рафт,

Дами наю рубоб шуд, баҳорро хабар кунед.

Чунонки  ин муҳит шуд ба ранги орзу бадал,

Дақиқа дар шитоб шуд, баҳорро хабар кунед.

АЛБАТТА, МЕОЯД БАҲОР

Бигзор ин дилмондагй аз фасли сарди рўзгор,

Албатта, меояд баҳор, албатта, меояд баҳор.

Бар чашми хобат об зан, эй ошиқи дилбохта,

Албатта, меояд нигор, албатта, меояд нигор.

Базри дуоро кишт кун дар мазраъи дастони дил,

Албатта, мебахшад Худо инъому лутфи бешумор.

Чун заъф дар рўҳат бувад, номи варо такрор кун,

Албатта, бахшад иқтидор, албатта, бахшад иқтидор.

Чун ҳастиямро бофтанд аз пуди ишқаш, ҳар нафас

Бояд ки жон гирад сабақ аз дафтари Парвардигор...

Таърихи сармохўрдаро, ин вожаи афсурдаро,

Марҳам бикун, дарбеҳ бизан, албатта, меояд ба кор.

Дил менавозад сози ишқ, ин набз дар овони гул

Албатта, дорад эътибор, албатта, дорад эътибор.